Glosario de Termos Políticos: Liberalismo e Nacionalismo

República

Forma política na que a xefatura do Estado recae nunha persoa elixida por un período concreto. Adoita asociarse a sistemas representativos baseados na soberanía popular.

Constitución

Lei fundamental do ordenamento xurídico dun país que regula a estrutura e o funcionamento político dos Estados de Dereito, recollendo dereitos e liberdades de tipo político, económico e social.

Soberanía (nacional e popular)

Autoridade suprema sobre un país. Denomínase nacional cando o “corpo da nación” o integran só quenes posúen dereito a voto por razón da súa renda, formación ou posición social; e popular cando ese corpo inclúe a todos os cidadáns a partir dunha idade que determine a lei.

Sufraxio censitario

Dereito a voto de só unha parte da cidadanía que reunía certos requisitos de nivel de renda, formación ou de posición social.

Sans-culottes

Grupo urbano formado polos sectores menos acomodados da sociedade, integrados por artesáns, serventes, pequenos comerciantes e obreiros varios, é dicir, aqueles que padecían con maior intensidade a crise económica que aqueixaba a Francia desde 1788.

Plebiscito

Consulta á poboación con dereito a voto para aprobar ou rexeitar unha cuestión de especial relevancia. Equivale ao termo referendo.

Carta outorgada

Lei fundamental concedida polo rei que limita os seus poderes voluntariamente.

Carbonarios

Organización secreta fundada en Nápoles en 1815 e difundida por Piamonte, Francia, España e Reino Unido. Defendían ideas liberais e participaron activamente nas revoltas dos anos vinte e de 1830.

Pronunciamento

Alzamento militar contra o Goberno, promovido por un xefe do Exército ou outro caudillo.

Nación

Conxunto de persoas que posúen unha mesma nacionalidade, que se transmite de xeración en xeración. A nación é a base para construír un Estado, pero ambos os termos non son sinónimos.

Nacionalismo

Movemento político-cultural que se basea no sentimento nacional como proxecto político.

Estado-nación

Estado que se identifica cunha nación sen recoñecer no seu interior a existencia doutras nacións.