Glosario de Termos: Xeografía e Sociedade
Classificado em Geografia
Escrito em em 
português com um tamanho de 3,82 KB
- Parque tecnolóxico: Espazo que concentra empresas e entidades que teñen entre os seus obxectivos a investigación, o desenvolvemento tecnolóxico e a innovación.
- Parroquia: Entidade territorial que abarca varios núcleos de poboación baixo xurisdición moral dun sacerdote.
- Penechaira: Superficie de erosión tendente á horizontalidade na que poden aparecer algúns relevos residuais.
- PEIT (Plan Estratéxico de Infraestruturas e Transporte): Programa elaborado polo Ministerio de Fomento de España que inclúe actuacións en infraestruturas e transportes desde o ano 2005 ao 2020.
- Poboación activa: Sector da poboación que se atopa en idade de traballar.
- Provincia: Unidade territorial administrativa formada por unha agrupación de municipios.
- Réxime demográfico: Cada unha das etapas ou fases na evolución do movemento natural da poboación dun país, nas que a natalidade, a mortalidade e o crecemento natural presentan características homoxéneas.
- Ría: Val fluvial asolagado en parte ou na súa maior parte polas augas do mar.
- Saldo migratorio: Diferenza entre o número de emigrantes e o de inmigrantes nun período de tempo concreto.
- Silvicultura: Ciencia ou actividade que ten por obxecto a conservación e o aproveitamento dos montes.
- Somontano: Terras chás, aínda que levemente inclinadas, formadas entre as serras exteriores e o centro da depresión do Ebro.
- Subcontratación: Tipo de relación pola que o titular dun contrato principal cede a un terceiro a prestación dunha actividade económica.
- Taxa de fecundidade: Relación entre o número de nados vivos co número de mulleres en idade de procrear.
- Taxas aeroportuarias: Valor que se lles cobra aos pasaxeiros polo uso das instalacións aeroportuarias.
- Tectónica de placas: Teoría científica que establece que a litosfera está fragmentada nunha serie de placas ou baldosas que se desprazan sobre o manto terrestre fluído.
- Tómbolo: Termo co que se designa unha lingua de terra que comunica a terra firme cun illote.
- Turoperadores (Tour operadores): Empresas dedicadas á xestión completa dunha viaxe turística.
- Transición demográfica: Modelo que tenta explicar o paso dunha situación de altas taxas de natalidade e mortalidade a outras caracterizadas por un descenso delas.
- Transxénicos: Aqueles organismos cuxo material xenético é manipulado en laboratorios onde foi deseñado co fin de outorgarlle algunha característica específica.
- Umbría: Vertente montañosa orientada ás costas do sol, de tal maneira que a radiación solar é moito menor que noutras zonas próximas orientadas cara ao sol.
- UVA (Unidades Veciñais de Absorción): Foron propostas do Instituto Nacional da Vivenda para combater o chabolismo.
- Vexetación antrópica: Paisaxe ou zona na que a vexetación foi introducida ou modificada pola acción humana.
- Vexetación clímax: Fase final da evolución dunha comunidade vexetal na que esta adquire un equilibrio co seu contorno medioambiental.
- Xentrificación: Concepto urbanístico referido a un proceso de transformación física, económica, social e cultural dun barrio que acaba sendo de clase media-alta.
- Xeopolítica: Ciencia que estuda a relación entre os fenómenos políticos e os feitos espaciais que os orixinan ou polos que veñen orixinados.